رين إبراهيم
يمكن يلي بدي إحكي ما بكفي بس يمكن بعبر عن شعور الي بيعرفوك
انت شو؟ كيف عرفنا هيدي النعمة؟ شو هل القوة الي قدرت ترسمك وتكونك؟
كيف قدرت تسيطر علينا هيك ؟! يعني إنت جسديا مش هون بس كيف يعني عايش معي؟
شو سرك؟ شو سر بيتك يلي حامل ملايين الزوار؟ أنت شفيع الكبير والصغير ومين ما كان و من حيلا دين !
بتعرف بس كون ببلاد الغربة وشوف هلختيار من بلد بعيد معلقة صورتو بغير قارات وقتا بتأكد إنو لبنان منبع القديسين
كل العالم بتحبك عطريقتا بديانتا و إيمانا، بتحكيك بلغتا و إنت البي الحنون يلي ما بتتركنا يلي لألك ملتجئين
شو بدي سميك؟ قديس العجايب؟ أو عجيبة السما؟ أو يمكن حبيب الملايين؟
قررت سميك “صديق الروح” كلمة بتختصر حب سنين